ბერლინის თავისუფალი უნივერსიტეტის აღმოსავლეთ ევროპის ინსტიტუტისა და ივანე ჯავახიშვილის სახელობის თბილისის სახელმწიფო უნივერსიტეტის (თსუ) თანამშრომლობით ხორციელდება ერთწლიანი სასწავლო პროგრამა - გერმანია სამხრეთ კავკასიაში: ინსტიტუციები და განვითარება (DESK), რომელიც შექმნილია გერმანიასა და საქართველოს შორის აკადემიური და პირადი გაცვლის ხელშეწყობისთვის სოციალურ მეცნიერებათა კონტექსტში.

სასწავლო პროგრამის შინაარსი: პროგრამის ფარგლებში ყურადღება გამახვილებულია სამართლისა და ეკონომიკის მეცნიერებებზე გერმანული და ევროპული მიმართულებით, ეს შედგება ორი ნაწილისგან:

1. სემინარები და ტუტორიუმები სოციალური მეცნიერებების მიმართულებით (ორიენტირებული გერმანიაზე), რომლებიც ჩატარდება გერმანული და ქართული უნივერსიტეტების პროფესორების მიერ;
2. პრაქტიკული გამოცდილება, რომელიც სტუდენტებს შეუძლიათ მიიღონ გერმანიაში ან გერმანულენოვან ქვეყანაში 6 კვირიანი სტაჟირების ფარგლებში.

პროგრამის ხანგრძლივობა: ერთი სასწავლო წელი და დამატებით პრაქტიკული მუშაობის პერიოდი. DESK ყოველწლიურად იწყება შემოდგომის სემესტრში.

სწავლების ენა: სწავლება მიმდინარეობს ინგლისურსა და ქართულ ენებზე. ძირითადი ენა არის გერმანული.

ვის შეუძლია მონაწილეობა: თსუ-ის ნებისმიერი ფაკულტეტის ბაკალავრიატის საფეხურზე მყოფ სტუდენტებს (სასურველია, მეორე და მესამე კურსის სტუდენტები) და მაგისტრატურის პირველი კურსის სტუდენტებს. კურსდამთავრებულები მიიღებენ ბერლინის თავისუფალი უნივერსიტეტის აღმოსავლეთ ევროპული ინსტიტუტისა და თსუ-ის სერტიფიკატს, საგნებისა და შეფასებების ჩამონათვალთან ერთად.

სტიპენდია გერმანიაში ცხოვრებისთვის: გერმანიაში ყოფნა სავალდებულო არ არის, თუმცა პროგრამის სტიპენდიატებისთვის განსაზღვრულია ფინანსური მხარდაჭერა. სტიპენდია გაიცემა აკადემიურ მოსწრებაზე დაყრდნობით - საუკეთესო საშუალო აკადემიური მოსწრების მქონე კურსდამთავრებულს საშუალება ექნება ერთი სემესტრის განმავლობაში ისწავლოს ბერლინის თავისუფალ უნივერსიტეტში.

მონაწილეობისთვის აუცილებელი წინაპირობები:

• მონაწილე უნდა ირიცხებოდეს თსუ-ის ბაკალავრიატის/მაგისტრატურის საფეხურზე;
• გერმანული და ინგლისური ენების კარგად ფლობა (75-100%);
• მაღალი აკადემიური მოსწრება (75-100%);
• მაღალი მოტივაცია;
• მუშაობის, საქმის შესრულების მზაობა.

შერჩევის პროცესი: წერილობითი განაცხადისა და თსუ-ში ჩატარებული გასაუბრების საფუძველზე ბერლინის თავისუფალი უნივერსიტეტისა და თსუ-ის გაერთიანებული კომისია შეარჩევს არაუმეტეს 30 სტუდენტს შესაბამისი სასწავლო წლისთვის.

განაცხადის წარდგენის პროცესი: დაინტერესებულ სტუდენტებს განაცხადი შეუძლიათ წარმოადგინონ 2023 წლის 23 სექტემბრის ჩათვლით. გასაუბრება მოსალოდნელია, რომ ჩატარდება ონლაინ, განაცხადის პროცესის დასრულების შემდეგ. წარსადგენი დოკუმენტები:

• CV გერმანულ ენაზე (1-2 გვერდი);
• სამოტივაციო წერილი გერმანულ ენაზე (1-2 გვერდი);
• გერმანულისა და ინგლისური ენების ცოდნის დამადასტურებელი ცნობა;
• ამონაწერი სასწავლო ბარათიდან;
• პასპორტის ფოტო.

ხელმოწერილი დოკუმენტები დასკანერებულ ფორმატში შესაბამის ვადაში უნდა გაიგზავნოს შემდეგ ელექტრონულ მისამართზე: desk@oei.fu-berlin.de

გთხოვთ შეავსოთ სარეგისტრაციო ფორმა: 

https://ssl2.cms.fu-berlin.de/oei/internationales/TSU/Bewerbung/PM-bewerbung/index.html?fbclid=IwAR2I7rx7uHye_LmowNxDhEy1WB0bWJkexmcDXwRhG0jNMl0-U0KE0lXFDpU

დაწ. იხ. oei.fu-berlin.de/internationales/TSU/index.html